УКМК төрагасынын атын жамынып алдамчылык кылган дагы бир жаран аныкталды

Өзгөчө ири өлчөмдө алдамчылык фактысы боюнча УКМК башчысы Камчыбек Ташиевдин жакын туугандарынын фамилиясын пайдаланып жүргөн С.А. аттуу жаран кармалды. Бул тууралуу бүгүн, 30-июнда УКМКдан билдиришти.

Маалым болгондой, ал Ташиевдин уулу менен жакын мамиледе экенин, УКМК төрагасынын кабыл алуусуна кирүүгө көмөк көрсөтөм деген шылтоолорду айткан. Ошондой эле "Silk-Way" индустриалдык паркынын аймагындагы бир нече соода түйүндөрүн сатып алуу боюнча маселелерди чечүүдө 50 миң доллар өлчөмүндөгү каражатты, анын ичинде 20 миң долларды түзгөн автоунааны өзүнө ыйгарып алган.

25-июнда козголгон кылмыш ишинин алкагында С.А. кармалып, тергөө абагына киргизилди.

Териштирүү жүрүүдө.

Эскерте кетсек, буга чейин Сузак районунда УКМК жетекчисинин атын жамынып алдамчылык кылып жүргөндөр кармалган.