Ирандын соккусунан Израилде 31 миң имарат жабыркаган

Ирандын Израиле жасаган ракеталык жана учкучсуз учактарынын соккуларынын натыйжасында Израилде кеминде 31 миң имарат жана 4000 унаа талкаланды же олуттуу зыянга учурады. Бул тууралуу Defa Press жазып чыкты.

Маалымат порталы ирандык ракеталар жаңжал учурунда Израилге орду толгус зыян келтиргенин белгилейт.

Эске салсак, Израил 13-июнга караган түнү Иранга каршы аскердик операциясын баштаган. Бир суткага жетпей Тегеран жооп кайтарган. АКШ жаңжал күчөгөндөн тогуз күндөн кийин, тагыраагы, 22-июнга караган түнү Ирандын үч өзөктүк объектисине чабуул койгон. 23-июнь күнү кечинде Тегеран Американын Жакынкы Чыгыштагы эң ири авиабазасы Катардагы Аль-Удейдге ракеталык сокку урган.

Кийинчерээк АКШнын президенти Дональд Трамп Израил менен Иран ок атышууну толук токтотууга макул болгонун жарыялаган. Ок атышпоо келишими 24-июндан тарта күчүнө кирген.