Нарын облусунун жаңы башчысы Нурбек Сатаровдун өмүр баяны

27-июнда президенттин Нарын облусундагы өкүлү болуп Нурбек Сатаров дайындалды. Жаңы дайындалган жетекчи 29-июнда эмгек жамаатка тааныштырылган.

Сатаровдун өмүр баяны:

Нурбек Сатаров 1984-жылы 30-майда Нарын облусунун Ат-Башы районуна караштуу Казыбек айылында төрөлгөн.

2006-жылы Нарын мамлекеттик университетинин инженердик багытын аяктаган. 2019-жылы президенттин алдындагы Мамлекеттик башкаруу академиясын Менеджмент адистиги боюнча бүтүрүп, магистр даражасына ээ болгон.

Эмгек жолу

2007-жылы Нарын облустук стандартташтыруу борборунда инженер болуп баштаган.
2010-2013-жылдары Нарын облусунун мамлекеттик администрациясында социалдык өнүктүрүү бөлүмүндө башкы адис болуп иштеген.
2013-2020-жылдары Президенттин Нарын облусундагы ыйгарым укуктуу өкүлүнүн аппаратында бөлүм башчысы кызматын аркалаган.
2020-2021-жылдары Ат-Башы районунун акими, кийин Ала-Бука районунун мамлекеттик администрациясынын жетекчиси кызматын аркалаган.
2022-2023-жылдары Жалал-Абад шаарынын биринчи вице-мэри болгон.
2023-жылы Нарын облусундагы өкүлдүн аппаратында бөлүм башчы, башкармалыктын начальниги, ыйгарым укуктуу өкүлдүн орун басары кызматтарын аркалаган.
2024-жылдын март айынан тартып Президенттик администрацияда эмгектенген.