АКШ Украинага курал жөнөтпөөнү чечти

АКШ Украинаны колдоо максатында жөнөтүлмөкчү болгон айрым аскердик жабдууларды жөнөтүүдөн баш тартты. Бул тууралуу АКШ Коргоо министрлигинин (Пентагондун) жардам иретиндеги аскердик жабдууларды кайра кароо ишинин жыйынтыгында айтылды.

Ак үйдүн басма сөз катчысынын орун басары Анна Келли билдиргендей, мурунку президент Жо Байдендин учурунда Украинага жөнөтүлөт деп пландалган айрым курал-жарактар "АКШнын улуттук кызыкчылыктарына артыкчылык берүү максатында" жөнөтүлбөй турган болду.

"Айрым куралдар боюнча кампаларда жабдык азайып калган",- деп түшүндүрдү Келли.