BTS армиядан кайтып келип, дүйнөлүк турга даярданууда

Түштүк Кореянын белгилүү K-pop тобу BTS жумуш тыныгуусун расмий түрдө аяктады. Бардык жети катышуучу аскерде милдеттүү кызматын өтөп бүтүп, 2026-жылдын жаз айларына пландалган жаңы альбомдун үстүндө иштей баштады. Бул тууралуу CNN маалымдады.

Альбом тууралуу жаңылык Weverse платформасындагы түз эфирде жарыяланды. Эфирге топтун бардык мүчөлөрү - RM, Жин, Ви, Чимин, Жей-Хоуп, Чонгук жана Шуга катышты. Бул алардын 2022-жылдын сентябрынан берки биринчи бирге эфирге чыгышы болду.

Музыканттар альбомду июль айынан тартып даярдай баштай турганын жана анда ар бир мүчөнүн ой-пикирин чагылдырган чыгарма болорун айтышты. Жаңы ырлардын үстүндө алар АКШда иштешет.

Ошондой эле 2026-жылы топ дүйнөлүк гастролго чыгат - бул алардын акыркы 4 жылдагы алгачкы концерттик туру болмокчу.

BTS мүчөлөрү Түштүк Кореядагы милдеттүү аскердик кызматын өтөп бүтүштү:

• Жин – биринчи болуп 2024-жылы июнда;
• Жей-Хоуп – октябрда;
• Шуга – армиянын ордуна социалдык кызмат өтөгөн.

Эскерте кетсек, Түштүк Кореяда 18-21 ай аралыгында бардык эркектер милдеттүү түрдө аскердик кызмат өтөшү керек. 2020-жылы BTS'ке атайын мыйзам аркылуу аскердик кызматты 30 жашка чейин жылдыруу мүмкүнчүлүгү берилген.