Бишкектеги бала бакчаларда балдардын тамагына каражатты ата-энелер төлөйт

Бишкек шаарынын мэриясы бала бакчалардагы тамак-ашка болгон төлөм көтөрүлгөнүн билдирди.

Калаа башкармалыгы Бишкек шаардык кеңеши бир балага күнүнө 120 сом өлчөмүндө тамактануу үчүн акчалай төлөмдүн өлчөмүн бекиткенин белгиледи. Буга ылайык, бала бакчаларда тамактануу үчүн төлөм ата-энелердин эсебинен жүргүзүлмөкчү.

"Бүгүнкү күндө бала бакчалардын жетекчилерине ата-энелер жамаатынын арасында түшүндүрүү иштерин жүргүзүү тапшырмасы берилди", - деп айтылат маалыматта.

Белгилей кетсек, борбор калаанын билим берүү тармагында 118 муниципалдык бала бакча бар.