“Качкын” тасмасы Кытайда өткөн кинофестивалда байгеге ээ болду

Кытайдын Чунцин шаарында Шанхай кызматташтык уюмунун кинофестивалы өтүп, анда Кыргызстандын тасмасы байгеге ээ болду. Бул тууралуу кино таануучу Гүлбара Төлөмүшова билдирди.

"Качкын" тасмасы эң мыкты сценарий үчүн сыйлык алды. "Алтын Камелия" сыйлыгы Дастан Жапар Рыскелди менен Актан Рыскелдиевге ыйгарылды.

Жалпысынан ШКУ өлкөлөрүнөн 48 көрүнүктүү тасма IFFге катышкан.

Тасмада баңги сатуучулар Аза менен Самат кокустан кулчулуктан качып келген Назик аттуу жаш кызга жолугуп калышат. Ал кылмышкердин колуна түшүп, кайрадан туткунга түшүп калуу коркунучуна кабылганда, Аза аны кандай болбосун сактап калууну чечет.