Казакстанда жер титирөө катталды

Бүгүн, 8-июлда Казакстандын түштүгүндө жер титирөө катталды. Бул тууралуу казак басылмалары жазышууда.

Европа-Жер Ортолук деңизи сейсмология борборунун маалыматына ылайык, Жамбыл облусунда 4,6 баллга жеткен жер титирөө Бишкек убактысы боюнча саат 15:29да болгон. Жер титирөөнүн эпицентри Тараз шаарынан 126 чакырым чыгыш тарапта жайгашкан.

Казакстандын Өзгөчө кырдаалдар министрлиги билдиргендей, жер титирөөнүн күчү айрым аймактарда 6 баллга жеткен.

• Кулан айылы – 6 балл

• Мерке айылы – 5 балл

• Шу шаары – 3 балл

• Сарыкемер айылы – 3 балл

• Төле Би айылы – 3 балл

• Тараз шаары – 3 балл

• Аса айылы – 2 балл

• Мойынкум айылы – 2 балл

• Кордай айылы – 2 балл

• Бауыржан Момышулы айылы – 2 балл

• Каратай шаары – 2 балл

• Турар Рыскулов айылы – 2 балл

Казакстандын Өзгөчө кырдаалдар министрлиги белгилегендей, жабыркагандар жана кыйроолор боюнча маалыматтар түшө элек.