Бейонсенин концертинен кийин метро станциясында тогуз адам жаракат алды

Америкалык ырчы Бейонсенин концертинен кийин Атланта штатынын Вайн-Сити районундагы метро станциясында тепсендиде калып, 9 адам жаракат алды. Бул тууралуу "Atlanta News First" басылмасы жазды.

Маалыматта айтылгандай, окуя 15-июлда болгон.

"Бейонсенин концерти бүткөндөн кийин жүргүнчүлөрдүн бири кыйкырып, чуркап баштаган. Бул окуя элдин дүрбөлөңгө түшүүсүнө алып келип, эскалатордун үстүндө адамдар тепсендиде калышкан. Ошол маалда эскалатор ылдамдап, андан соң капыстан токтоп калган",- деп жазылат маалыматта.

Окуяга күбө болгондор билдиргендей, эл дүрбөп, баары чуркап кеткен. Эскалатор токтогон учурда бир нече адам жыгылып түшкөн.

Алардын ичинен сезгизи ар кандай жаракаттар менен медициналык мекемелерге жеткирилген. Ал эми бир жаран жардам алуудан баш тарткан.

Белгилей кетсек, Бейонсе дүйнөгө белгилүү америкалык ырчы болуп саналат. Ал 2023-жылы Грэмми сыйлыгынын 4 номинациясын жеңип, аталган сыйлыкка ээ болууда рекорддук көрсөткүчкө жеткен. Ырчы абройлуу Грэмми сыйлыгына 32 жолу ээ болгон.