Ошто үч эм төрөлгөн үй-бүлөлөргө батирлер берилди

Ош шаарынын мэриясынын ипотекалык программасынын алкагында 9 кабаттуу 96 батирлүү көп кабаттуу турак үй курулуп бүтүп, салтанаттуу тапшыруу аземи болду. Бул тууралуу шаардык мэрия билдирди.

Ага Ош шаарынын мэри Жеңишбек Токторбаев, Ош шаардык кеңешинин төрагасы Болот Баетов, мекеме-ишкана жетекчилери жана жаңы конуштан үй алышкан жашоочулар катышты.

Шаар мэри Токторбаев турак жайдын ээлерин куттуктап, калаа тургундарын үй менен камсыздоо мэриянын негизги багыттарынын бири экендигин билдирди.

Калаа башчысы жана шаардык кеңеш төрагасы жаңы үйдүн ачкычтарын ээлерине тапшырышты. Мында алгач Щепкин атындагы жогорку театралдык окуу жайдын 22 бүтүрүүчүсүнө, үч эм төрөгөн үй бүлөлөргө жана турак жайы шаардагы курулуш иштери үчүн алынган үй ээлерине берилди.