Вьетнамда туристтик катер оодарылып, ондогон адам мерт кетти

Вьетнамда экскурсия учурунда туристтерди ташып бараткан катер оодарылып кетип, кеминде 34 адамдын өмүрү кыйылды. Бул тууралуу эл аралык маалымат булактары жазышты.

Окуя учурунда катерде 48 жүргүнчү жана 5 экипаж мүчөсү болгон. Азыркы тапта 11 адам куткарылып, дагы 15 киши дайынсыз болууда.

Алдын ала маалыматтарга караганда, кырсык катуу шамалдын кесепетинен болгон. Жергиликтүү бийлик жана куткаруучулар издөө-куткаруу иштерин улантууда.

Каза болгондордун улуту жана туристтер кайсы өлкөлөрдөн экени азырынча ачыктала элек.