Ошто бир катар жетекчилерге катуу сөгүш жана эскертүү берилди

Ош облусунда бир катар жетекчилерге катуу сөгүш жана эскертүү берилди. Бул тууралуу президенттин аталган облустагы өкүлчүлүгү кабарлады.

Маалыматка ылайык, бүгүн, 23-июлда өткөн коллегиялык жыйында Ош облусунун социалдык-экономикалык өнүгүүсүнүн биринчи жарым жылдык жыйынтыктары каралып, бир катар жетекчилердин ишине баа берилген. Жыйынтыгында бир катар жетекчилерге чара көрүлгөн:

• Ноокат районунун акими Э. А.Чакибаевдин иши өнөр жай продукциясынын көлөмүнүн төмөндөшүнө байланыштуу иши жетишсиз деп табылган;
• Өзгөн районунун биринчи орун басары А.Р. Дүйшеевге инвестициялык карта жана стратегиялык план иштелбегендиги үчүн эскертүү берилген;
• Араван районунун биринчи орун басары А.И. Ахматовго мамлекеттик тапшырмаларды аткарбагандыгы үчүн катуу сөгүш жарыяланган;

Ошондой эле билим берүү тармагындагы жетишпестиктер үчүн:

• Жети райондун (Алай, Араван, Кара-Кулжа, Кара-Суу, Ноокат, Өзгөн, Чоң-Алай) акимдеринин социалдык маселелер боюнча орун басарлары талаптагыдай камсыз кылуу чараларын көрбөй, айрым кемчилдиктерге жол берип, жетиштүү деңгээлде иш алып барбагандыктары белгиленген.
• Алты айыл өкмөт башчысынын жана бир шаар мэринин орун басарынын иши жетишсиз деп бааланган.
• Кара-Суу, Кара-Кулжа, Өзгөн райондук билим берүү бөлүмүнүн жетекчилеринин иши жетишсиз деп бааланган жана район жетекчилерине эскертүү берүү сунушталган.