Ошто да троллейбустар каттамдардан алынышы мүмкүн (видео)

Бүгүн, 28-июлда Ош шаарынын мэри Жеңишбек Токторбаев таңкы рейдде Касымалиев көчөсүн текшерди.

Анда мэр электр чубалгыларын Бишкектегидей жер астына түшүрүү иштерин кылуу керектигин тапшырды.

"Чубалгылардын, коммуникациялардын баарын жер астынан кете турган кылалы. Троллейбустардын ордуна гибрид же электробустарды алабыз",- деп кошумчалады мэр рейд учурунда.

Белгилей кетсек, Бишкекте троллейбустардын каттамдарын Түрк мамлекеттер уюмунун саммитине байланыштуу токтотулуп, кайра каттамга чыккан эмес. Андан соң калган техникаларды Нарын менен Ошко белекке берип, айрымдарын электробус кылууну көздөп жаткандыгы айтылган.