Грецияда деңиздин жээгинен 3 жашар кыздын сөөгү табылды

Грециянын Эден жээгинен кечээ түнү үч жашар кыздын сөөгү табылды. Бул тууралуу Daily Express жазды.

Маалым болгондой, анын өздүгүн аныктоо мүмкүн болгон эмес. Органдарга да кызды издеп эч ким кайрылган эмес.

"Алгачкы соттук-медициналык экспертизанын жыйынтыгында үч жашар кыздын башынан жана денесинен ачык жаракаттар аныкталган. Анын чекесинде, эриндеринде, мурдунда, тизесинде ошондой эле оң далысында чоң көк ала тактар аныкталган. Ал бир нече саат бою деңизде болгон",- деп айтылат макалада.

Ал акыркы кезде катуу арыктаганы айтылат. Укук коргоо органдары аны кайыктан ыргыткан деп божомолдошууда.