Асылбек Жээнбеков: "Жогорку Кеңеш өз мөөнөтүнүн аягына чейин иштейт"

ЖКнын төрагасы Асылбек Жээнбеков 13-декабрдагы жыйынында айрым депутаттар "Азимбек Бекназаров азыркы парламент бандиттер менен базаркомдордун парламенти деп айтып жатат. ЖК тараптан ага эч кандай жооп болбой жатат" деген суроо узатты. Буга төрага Асылбек Жээнбеков: "Депутат болбой, бийликке жетпей калгандар ар кандай ыкмаларды колдонуу аркылуу парламентти таратып, алардын ордуна кайрадан биз келсек деген ниетте чабуул коюп жатышат. Биз ошого жараша жооп берип турушубуз керек, бирок анын баарына чама жетпей турат. Буюрса, чыйралып баратабыз, баарына туруштук беребиз, Жогорку Кеңештин азыркы чакырылышы өзүнүн конституциялык мөөнөтү аяктаганга чейин иштейт. Жогорку Кеңеш канчалык туруктуу болсо, мамлекет дагы ошончолук туруктуу болот”,- деп жооп берди.