Японияда бир аптада ысык аба ырайынан улам 18 миң адам ооруканага жаткырылды

Японияда бир апта ичинде ысык аба ырайынын кесепетинен 18 миңден ашык адам ооруканага жаткырылды. Бул тууралуу чет элдик басылмалар жазышты.

Бул акыркы мезгилдеги эң жогорку апталык көрсөткүч болуп саналат. Өлкөнүн бир нече аймагында аба температурасы 35 градуска чейин жетип, күндүз күндүн табы 37 градуска чейин көтөрүлүүдө.

Өткөн айда ысык аба ырайынан улам 17 229 адам ооруканага түшкөн, бул 2010-жылдан берки эң жогорку көрсөткүч болгон.

Өкмөт ысык күндөрү үйдө болууну жана желдеткичтерди колдонууну сунуштап жатат.

Японияда жыл сайын эң ысык мезгил июль жана август айларына туура келет. Бул мезгилде жүздөгөн адамдар ооруканага кайрылышат.