АКШ Иранга каршы эң ири санкциялар пакетин киргизди

АКШнын Каржы министрлиги Дональд Трамптын администрациясы Иранга каршы эң ири санкциялар пакетин киргизгенин билдирди. Бул тууралуу чет элдик басылмалар жазышты.

Маалыматка ылайык, жаңы санкциялар 50дөн ашуун жеке жана юридикалык жактарга киргизилди. Алар Ирандын жогорку лидери Али Шамханинин кеңешчиси болгон Мохаммед Хоссейн Шамхани жана анын уулу менен байланыштуу.

АКШнын каржы министри Скотт Бессенттин айтымында, бул чаралар Вашингтондун кызыкчылыгын биринчи орунга коюп, ошол эле учурда АКШнын коопсуздугуна коркунуч жаратып жаткан Тегерандын элиталарына багытталган.

Буга чейин Ирандын тышкы иштер министринин орун басары Казем Гарибабади Батыш өлкөлөрү санкцияларды кайра жандантса, Тегеран сөзсүз жооп кайтарарын айткан. Анын айтымында, Иран Ядролук куралдарды жайылтууга каршы келишимден чыгуу мүмкүнчүлүгүн карап жатат.