Бишкек мэриясынын алдындагы пикет токтотулду

Бүгүн, 15-январда Бишкек шаардык кеңешинин сессиясында Бишкек мэрлигине шайлоо өтүүдө. Учурда катышуучулар 20 мүнɵттүк танаписке чыгышты. 

Бишкек мэриясынын алдында милиция кызматкерлери коомдук активистти унаага салып алып кетишти. Ал ɵзүн «7-апрель кыймылы» уюмунун лидери деп атады.

Анын айтымында, мэрлик шайлоо мыйзамсыз ɵтүүдɵ. Ал эки плакат менен келгендигин билдирди. «Мен эч кандай провокация кылган жокмун. Конституциялык укуктан пайдаланып мэриянын алдына шайлоого боюнча пикиримди айтууга келгем», - деп активист кабарлады.