Мухаммад ысымы Англия менен Уэльсте балдарга эң көп коюлганы белгилүү болду

Улуу Британиянын Улуттук статистика бюросу Англия менен Уэльсте 2024-жылы туулган балдардын каттоо маалыматтарына негизделген эң популярдуу аттардын рейтингин жарыялады. Бул тууралуу чет элдик басылмалар билдиришти.

Маалым болгондой, балдардын арасында Мухаммад ысымы экинчи жыл катары менен эң көп берилген ысым экени аныкталды. Ал эми экинчи орунду Ноа, ал эми үчүнчү орунду Оливер ысымдарды ээледи.

Кыздардын арасында эң популярдуу ысым кайрадан Оливия жана Амелия экени маалымдалды. Үчүнчү орунда болсо Лили ысымы экени белгилүү болду.

Мухаммад атын жазууда бир нече вариант колдонулганы да маалымдалды. Бул ысым 5721 жаңы төрөлгөн балага ыйгарылып, Англиянын беш аймагында эң популярдуу ысым болуп эсептелген. Ал эми Уэльсте бул ысым 57-орунда турат.