Белгилүү ырчы Жастин Тимберлейк лайм оорусуна чалдыкканын билдирди  

Америкалык ырчы Жастин Тимберлейк лайм оорусуна чалдыкканын билдирди. Бул тууралуу ырчы өзүнүн социалдык тармактагы баракчасында маалымдады.

Ырчынын айтымында, концерт учурунда ал күчтүү невралгия, чарчоо жана баш айлануу сезимдерин башынан өткөргөн.

"Менде ден соолуктан көйгөйлөр бар эле, мага "лайм оорусу" деген диагноз коюлду. Муну аянычтуу көрүнүү үчүн эмес, жөн гана сахнанын артына чыкканда эмне менен күрөшүп жүргөнүмдү түшүнсөңөр деп жаздым",- деп билдирген ал.

Ошондой эле ооруп турса да гастролдорун улантканына сыймыктанарын кошумчалаган.

Жаздан бери Жастин Тимберлейк Эстония, Польша, Улуу Британия, Люксембург, Австрия, Грузия жана Азербайжан сыяктуу өлкөлөрдө концерт берген. Көпчүлүк күйөрмандар ырчынын чарчаганын, сахнага кечигип чыгуусун жана концерттердин эрте бүтүшүн сынга алышты.