Орусияда мигранттар үчүн жаңы мамлекеттик төлөмдөр киргизилет. Тизме

Орусия президенти Владимир Путин өлкөнүн миграциялык саясатын өркүндөтүүгө багытталган мыйзамдарга кол койду. Бул тууралуу орус басылмалары жазышты.

Жаңы мыйзамда Орусияга иштөө максатында келген чет өлкөлүк жарандар үчүн кошумча мамлекеттик төлөмдөрдү киргизүүнү каралган.

Мамдуманын төрагасы Вячеслав Володиндин айтымында, бул чаралар бюджетке кирешени көбөйтүүгө жана мигранттарга болгон көзөмөлдү күчөтүүгө багытталган. Ошондой эле мыйзамсыз миграция деңгээлин төмөндөтүүгө жардам берери айтылды.

Чет элдик жарандар үчүн төмөнкүдөй мамлекеттик төлөмдөр белгиленди:

4200 рубль - патент алуу же кайра каттоо үчүн
4200 рубль - иштөөгө уруксат кагазынын мөөнөтүн узартуу үчүн
2100 рубль - иштөөгө уруксаттын көчүрмөсүн алуу, документтерге өзгөртүү киргизүү же патенттин көчүрмөсү үчүн
2100 рубль - чет элдик жумушчуларды тартууга уруксат берүүчү документтерге өзгөртүү киргизүү жана алардын көчүрмөлөрү үчүн
1000 рубль - визасыз режимден тышкары убактылуу жашоону узартуу үчүн
500 рубль - жашаган дарек боюнча каттоого туруу үчүн