Иран Батыш мамлекеттерин терроризмди колдогону үчүн жоопкерчиликке тартууну талап кылды

Ирандын Тышкы иштер министрлигинин расмий өкүлү Эсмаил Багаи Батыш өлкөлөрү террордук жана экстремисттик топторду колдогону үчүн мыйзам алдында жооп бериши керек деп билдирди. Бул тууралуу чет элдик басылмалар жазышты.

Багаинин бул билдирүүсү АКШ менен бир катар мамлекеттер Иранга каршы багытталган биргелешкен билдирүүгө кол койгондон кийин жасалды.

Анын айтымында, бул билдирүүнү даярдаган өлкөлөр террористтерге жана экстремисттерге жардам берип гана тим болбостон, аларды жашырып да жатышат.