Чилиде шахтада болгон кырсыктан бир адам каза болуп, бешөө дайынсыз жоголду

Чилинин О’Хиггинс регионундагы Эль-Теньенте округунда жер титирөөдөн кийин шахтада кырсык болуп, анын кесепетинен бир адам каза болуп, дагы беш киши дайынсыз жоголду.

Чет элдик ЖМКлардын маалыматы боюнча, жаракат алгандар ооруканага жеткирилди, куткаруу жана издөө иштери уланууда.

Компания каза болгон кызматкердин үй-бүлөсүнө көңүл айтып, бул окуя бүткүл жамаат үчүн оор жоготуу болгонун белгиледи.