Ысык-Көлдө 30 жейрен жаратылышка коё берилди (видео)

Бүгүн, 1-августта Ысык-Көл облусунун Тоң районуна караштуу Туз көл—Өрдөк учар участкасында 30 даана жейрен жапайы жаратылышка коё берилди. Бул тууралуу Жаратылыш министрлиги билдирди.

Маалыматка караганда, 2021–2022-жылдары Өзбекстандан атайын долбоордун алкагында 25 баш жейрен алынып келинген. Бүгүнкү күндө алардын саны 70ке жетти. Анын ичинен 30 даана жейрен бүгүн жаратылышка коё берилди.

Ал эми калган жейрендерди кийинки жылы облустун башка ыңгайлуу шарты туура келген жерлерине жайгаштыруу пландалууда.