Бет капчан киши бул жолу 5 балалуу жалгыз бой энени кубантты (видео)

Бет капчан киши (Человек в маске) бул ирет казакстандык Айназик аттуу жаранга жардам берди.

Белгилүү болгондой, ал 5 кызды жалгыз тарбиялап келет. Ортончу кызы аутизм менен жабыркайт. Үй-бүлө батирде турушат.

"Беш кызым бар. Ортончу кызым аутизм менен жабыркайт жана көзү азиз. Аны жумушка ээрчитип барам. Белиме жип менен байлап, көтөрүп алам. Кечинде кафеде пол жууп, иштейм.

Батирде турабыз. Улуу кызымдын жашы 17де. Талаада балдар зордуктап, психологиялык травма алды. Азыр кыйкырып, бөлмөсүнөн чыкпайт. Тергөө иштери жүрүп жатат", - деди Айназик айым.

Ошондой эле ал бир учурда батир акысын бере албай көчөдө калганын, ал учурда уулунан ажырап калганын эстеп ыйлады.

"Батир акысын бере албай көчөдө калганбыз. Ошол кезде колумда балам бар эле. Ал жүрөк кемтигинен каза болуп калды", - деди ал.

Бет капчан киши ага кыздарынын дарылана турганын айтып, батирдин ачкычын тапшырды.