Зеленский: "Украина менен Орусияда 1200 туткунду алмашуу боюнча макулдашуу бар"

Кечээ, 3-августта Украинанын президенти Владимир Зеленский Орусия менен 1200 туткунду алмашуу боюнча макулдашуу бар экенин билдирди. Анын айтымында, бул согуш башталгандан берки эң масштабдуу алмашуу болот.

Зеленский: "1200 кишини алмашуу боюнча макулдашуу бар. Учурда тизмелер боюнча иштер уланууда. Коопсуздук жана коргонуу кеңешинин катчысы Орусиянын өкүлү менен байланыш тууралуу маалымат берди. Ошондой эле адамдарды кайтаруу жолдорун изилдеп жатабыз, ар бир фамилия боюнча тактоо жүргүзүлүүдө",- деп жазды.

Бул билдирүү Зеленскийдин Украина президентинин администрациясынын жетекчиси Андрей Ермак жана Улуттук коопсуздук жана коргонуу кеңешинин катчысы Рустем Умеров менен жолугушуусунан кийин жасалды.

"Орусия тарап менен Стамбулда өткөн жолугушуулардагы макулдашууларды ишке ашыруу жана жаңы жолугушууга даярдык жүрүп жатат",- деп белгиледи Украина президенти.

Буга чейин Орусия менен Украина 23-июлда туткундарды алмашуунун тогузунчу этабын өткөрүшкөн. Бул алмашуу 2-июнда Стамбулда макулдашылган. Ал күнү оор жаракат алгандар жана оорукчандар кайтарылган.