Түркия Орусия менен Украинанын сүйлөшүүлөрү боюнча маалымат берди

Түркия тарап Орусия менен Украина ортосундагы төртүнчү сүйлөшүү үчүн расмий суроо-талап албагандыгын, бирок ар дайым ортомчулукка даяр экенин билдирди. Бул тууралуу түрк басылмалары жазышты.

Маалым болгондой, Түркиянын президенти Режеп Тайып Эрдогандын администрациясы азырынча Орусия менен Украина ортосундагы төртүнчү раунд сүйлөшүүлөрүн өткөрүү боюнча расмий суроо-талап келбегенин маалымдады. Бирок Түркия ар дайым тынчтык орнотуу процессине арачылык кылууга даяр экенин баса белгиледи.

Администрация өкүлү: "Азырынча мындай сигналдар жок. Эгер конкреттүү сунуштар келип түшсө, сөзсүз кабарлайбыз",- деди.

23-июлда Стамбулда Орусия менен Украина үчүнчү түз сүйлөшүүнү өткөрүшкөн. Ал жыйында эки тарап туткундарды алмашуу боюнча "1200 адамга 1200 адам" формуласы боюнча макулдашып, Москва үч жумушчу топ түзүп, кеңири консультацияларды улантууну сунуш кылган.

Бирок Орусиянын делегациясын жетектеген Владимир Мединский белгилегендей, эки тараптын меморандум долбоорлорундагы көз караштарында чоң айырмачылыктар бар.