TJP: "Израилге ХАМАС менен жаңы келишим түзүү үчүн бир нече ай талап кылынат"

Израил менен АКШга ХАМАС кыймылы менен жаңы келишимге жетишүү үчүн бир нече ай талап кылынышы мүмкүн. Бул тууралуу The Jerusalem Post басылмасы жазды.

Маалыматка ылайык, АКШ президентинин атайын элчиси Стив Уиткофф Израилге болгон сапарында Израил менен АКШ чыр-чатакты жыйынтыктоочу келишимдин үстүнөн иштеп жатканын билдирген.

The Jerusalem Post басылмасы белгилегендей, ХАМАС сүйлөшүүлөргө катышуу үчүн алгач Газага гуманитардык жардам ташыган жүздөгөн жүк ташуучу унаалардын кирүүсүн талап кылууда.

Мурдараак Haaretz басылмасы Израилдин премьер-министри Биньямин Нетаньяху ХАМАСка ультиматум коюуну пландап жатканын кабарлаган. Ага ылайык, Израил ХАМАСтан туткундарды бошотуу боюнча келишим түзүүнү же анклавдын аннексиясын талап кыла турганын айткан.