Кадамжайдагы комбинаттан 600 миң долларлык сурьма концентратын уурдагандар кармалышты (видео)

Баткен облусундагы "Кадамжай" сурьма комбинатынан 22,5 тоннадан ашык сурьма концентратын мыйзамсыз ташып чыгуу фактысы аныкталды. Бул тууралуу бүгүн, 4-августта УКМКнын маалымат борбору билдирди.

Атайын кызматтын алдын ала эсептөөлөрү боюнча, сурьма өндүрүмүнөн кийинки чийки заттын баасы болжол менен 600 миң долларын түзөт.

Бул факт боюнча Кылмыш-жаза кодексинин 292-беренеси (Сатып өткөрүү максатында күчтүү таасир этүүчү же уулуу заттарды мыйзамсыз жүгүртүү) боюнча кылмыш иши козголду. Натыйжада Д.Д., О.А. жана Б.М. аттуу жарандарынын ортосунда комбинаттын аймагынан сурьма концентратын уурдап, андан ары сатуу аракеттерин көрүү боюнча кылмыштуу бүтүм түзүлгөнү аныкталды.

Тергөө уланууда.