Мадридден учкан учак куш менен кагышып, артка кайтты

"Iberia" авиакомпаниясынын Мадрид–Париж багыты боюнча учуп бараткан учагы Адольфо Суарес Мадрид-Барахас аэропортуна авариялык конуу жасады. Бул тууралуу чет элдик басылмалар жазышууда.

"Учак учуп чыккандан бир нече мүнөт өткөн соң чоң куш менен кагышып, Адольфо Суарес Мадрид-Барахас аэропортуна шашылыш конууга аргасыз болду", - деп белгиленген маалыматта.

Маалыматка ылайык, учактын экипажы диспетчерлерге аба кемесинин негиздүү бөлүгү жабыркаганын билдирген. Бул бөлүктө маанилүү жабдуулар, анын ичинде метеорологиялык радар жайгашкан. Учак командири кайра кайтып келип, шашылыш конууга уруксат сураган.