Бразилия жээгинде акыркы 25 жылдагы эң ири мунай кени табылды

Бразилия жээгинде акыркы 25 жылдагы эң ири мунай жана газ кени болгон жаңы жер казынасы аныкталды. Бул тууралуу Financial Times гезити 4-августта кабарлады.

Жаңы кен Сантос бассейнинде, Рио-де-Жанейродон болжол менен 400 чакырым алыстыкта жайгашкан жана аянты 300 чарчы чакырымдан ашат. Мындан кийин кенди тапкан "BP" компаниясынын акциялары 1,2%га өстү.

"Бул ачылыш компания үчүн 1999-жылы Каспий деңизиндеги Шах-Дениз кенинин табылышынан берки эң чоңу болуп калды. Ал кенде болжол менен 35 триллион куб фут газ бар", - деп белгиленген маалыматта.

Ошондой эле бул жаңы кенде көмүр кычкыл газынын деңгээли жогору экенин кошумчаланды. Бул мунай казып алууну татаалдатат жана кайра иштетүүгө кеткен чыгымдарды көбөйтөт.