Эки жүргүнчү автобустун айдоочусуна кол салды (видео)

Бишкекте №25-автобустун айдоочусуна эки аял кол салды. Бул тууралуу "Бишкек шаардык транспорту" муниципалдык ишканасынан билдиришти.

Видеодон байкалгандай, окуя 2-августта болгон.

Ал эми айдоочунун айтымында, Ош базарды көздөй кетип бара жаткан учурда бир жүргүнчү аялдама жок жерден түшүрүп коюну айткан.

"Ош базарды көздөй кетип бара жатканда, бир жүргүнчү мага келип аялдама жок жерден түшүрүп коюну айтты. Мен бул жерден болбойт, аялдамадан түшө турганын айтсам, "алдын ач" деп мага кол салды. Экинчиси да кол салып, экөө мени сөгүп, жулмалап түшүп кетишти",- деди.

Видеодон байкалгандай, бир аз убакыттан кийин жүргүнчүлөр кайра келип айдоочуга асылып, орой сөздөрдү айткан. Алардын бири "Эмнеге кыпчып жатасың?" дегенин да байкоого болот. Ошондой эле каттамдагы жүргүнчүлөрдүн бирөөсү айдоочуга жардамга келгени байкалат.