UNICEF: Газа секторунда күн сайын орто эсеп менен бир класстын балдары өлүүдө

Бириккен улуттар уюмунун Балдар фонду (UNICEF) билдиргендей, Газа секторунда акыркы 22 ай ичинде 18 миңден ашуун бала каза болду. UNICEF бул тууралуу X расмий баракчасы аркылуу билдирүү таратты.

Уюмдун маалыматына ылайык, күн сайын орто эсеп менен бир класстын балдарына тете - болжол менен 28 бала курман болууда.

Балдардын өлүмүнө негизги себептер:

• Бомбалоо,
• Ачарчылык жана жетишсиз тамактануу,
• Негизги кызматтарга жеткиликтүүлүктүн жоктугу болуп саналат.

22 ай ичинде курман болгон 18 миңден ашык бала - бул тарыхтагы эң кандуу балдар кризисинин көрсөткүчү катары белгиленүүдө.

"Газа секторундагы балдарга тез арада тамак-аш, суу, дары-дармек жана коргоо керек. Азыр эң керектүү нерсе - ок атышууну токтотуу. Тез арада",- деп жазылган маалыматта.

UNICEF дүйнөлүк коомчулукту тез арада аракет кылууга жана балдарды коргоого чакырууда. Газа секторунда балдардын жашоо укугу күн сайын тебеленип жатканы айтылып, бул гуманитардык жана моралдык өзгөчө кризис экени белгиленди.