Газанын өкмөтү: 6 миң гуманитардык жардам унаасынан болгону 853ү гана аймакка кире алды

Газа тилкесиндеги палестин өкмөтү акыркы 10 күндүн ичинде аймакка кириши керек болгон 6 миңдей гуманитардык жардам унаасынан болгону 853ү гана өтө алганын билдирди. Бул тууралуу чет өлкөлүк басылмалар жазышты.

Маалым болгондой, Газанын элине медициналык жардам, азык-түлүк жана негизги керектөөлөр үчүн күнүнө жок дегенде 600 жүк унаасы кириши зарыл. Бирок акыркы 10 күндө аймакка кирген унаалардын күнүмдүк орточо саны болгону 85ке жеткен. Бул абал аймактагы жардам агымындагы өтө чоң жетишсиздикти ачыкка чыгарып жатат.

Израилдин кол салууларынан жана гуманитардык жардамдын киришине жол бербеген катаал курчоосунан улам Газа тилкеси суу, дары-дармек, медициналык жабдуулар жана гигиеналык каражаттар жетишсиз болууда.

Жергиликтүү жана эл аралык уюмдар Израилди "ачарчылык менен суусоону курал катары колдонуп жатат" деп айыпташууда.