Ошто каналды бойлото салынган очокканалар үчүн Жапалактын башчысы мэрден сын укту (видео)

Ош шаарынын мэри Жеңишбек Токторбаев таңкы рейддик кыдыруудан кийин Жапалак айылынын жетекчисинин ишин сынга алды. Бул тууралуу мэриядан билдирди.

Анын себеби айылдын ички бөлүгүн аралап өткөн Ак-Буура–Араван каналынан бөлүнүп чыккан Марза-Чөл каналынын корук аймагын бошотуу иштери берилген тапшырмага ылайык аткарылган эмес. Каналды бойлото жолго эле жашоочулар тандыр орнотуп, очоккана салып, малдарын жайгаштыруучу сарайларды куруп алган.

Аймактык башкармалыктын башчысына мэр тез аранын ичинде каналдын корук аймагын бошотуу тапшырмасын берди.