Илимпоздор чарчоо синдрому тууралуу изилдөө жүргүзүштү

Шотландиянын Эдинбург университетинин илимпоздору жаңы изилдөө жүргүзүп, чарчоо синдрому адамдын психологиялык көйгөйлөрүнө байланыштуу эмес, генге байланыштуу экенин далилдеди. Бул тууралуу Daily Mail жазып чыкты.

Профессор Крис Понтингдин айтымында, ар дайым чарчаңкы жүргөн 15 000 адамдын ДНКсы анализден өткөн. Бул багыттагы эң кеңири изилдөө болуп саналат.

Бул адамдардын иммундук жана нерв системи абдан алсыз, генден өткөн. Мындай адамдар эреже катары, мисалы, инфекция менен ооруп калганда, сасык тумоодон айыккандан кийин дагы көп убакыт бою алсыздыкты, баш ооруну жана чарчоону сезип жүрүшөт.

Понтинг кошумчалагандай, жалпысынан алганда чарчаңкы, энергиясы жок, эч нерсе жасабаса дагы чарчап, башы ооруп жүргөн адамдарды өнөкөт чарчоо синдрому бар адам деп атап коёт. Бул нерсени адам атайылап кылбайт, генден өтөт деп айтылат.