Жигит сүйгөн кызына жетиш үчүн 43-жолу колун сурады

Улуу Британияда Сара аттуу аял сүйүктүүсү 43-жолу үйлөнүү сунушун айткан соң "Ооба" деп жооп берди. Бул тууралуу 120.su билдирди.

Сара Люк Уинтрип менен жети жыл сүйлөшкөн. Ал киши ага биринчи жолу 2018-жылы алар таанышкандан алты ай өткөндөн кийин сунуштаган. Бирок ажырашууну башынан кечирип, кыздарынын реакциясына кабатыр болгон аял турмушка чыгууга даяр эмес болуп, түгөйүнөн 42 жолу баш тарткан.

Көптөгөн баш тартууларга карабастан, Люк багынган эмес. Ал романтикалык кечелерди уюштуруп, белектерин берип, үйлөнүү сунушун уланта берген.

Чечүүчү жыл 2023-жыл жубайлар Лондондун Гринвич районунда сейилдөөгө чыгышканда болгон. Ал жерде чакырылган музыканттар Саранын сүйүктүү музыкасын аткарып, Люк дагы бир жолу үйлөнүү сунушун киргизип, акыры "ооба" деген жоопту уккан.

Үйлөнүү үлпөт тою 2025-жылы болгон. Азыр түгөйлөр расмий түрдө баш кошушкан жана Саранын айтымында, алар бактылуу. Аял тамашалап, күйөөсү өжөрлүгү үчүн Гиннестин рекорддор китебине кирүүгө татыктуу экенин белгилейт.

Ал ошондой эле аялдарды чечимге шашылбоону үндөгөн: "Эгерде даяр эмес болсоңор "жок" деп айтпагыла, "азыр эмес" деп айткыла. Чыныгы эркек түшүнөт жана күтөт".