Саймалуу-Таштагы жүздөгөн петроглифтер виртуалдык реалдуулук үчүн санариптештирилди

Саймалуу-Таш мамлекеттик жаратылыш паркындагы уникалдуу петроглифтерди VR (виртуалдык реалдуулук) технологиясынын жардамы менен чагылдыруу долбоору ийгиликтүү ишке ашырылды. Бул тууралуу Жаратылыш ресурстары, экология жана техникалык көзөмөл министрлигинен билдиришти.

Маалым болгондой, демилге “Терра Паблик” коомдук фонду тарабынан ишке ашырылып, жалпы суммасы 4 миллион сомду түздү.

Долбоордун алкагында петроглифтердин бөлүгү толук санарип форматта жеткиликтүү болуп, виртуалдык туризм жана маданий мурастарды сактоо мүмкүнчүлүгү артты. Учурда дагы төрт каталогду даярдоо иштери пландалууда. Бул багытта кошумча грант алуу процесси жүрүп жатат.

Бул долбоор маданий жана тарыхый мурастарды сактоо жаатында приоритеттүү болуп эсептелет жана келечекте туристтик потенциалды жогорулатууга чоң салым кошот.