Белгилүү мушкер Дмитрий Биволго операция жасалды

Белгилүү кыргызстандык мушкер Дмитрий Биволго операция жасалды. Бул тууралуу ал өзүнүн социалдык тармактагы баракчасында билдирди.

Мушкердин айтымында, көптөн бери бели ооруп жүргөн.

"Дарыгердин сунушу менен он жылдан ашык убакыттан бери ооруп келген мурунку белдеги жараатты операция кылууга туура келди. Анткени ал ар бир машыгуу лагеринен кийин начарлап жаткан. Баары ийгиликтүү өттү, азыр болсо өзүмдү бир топ жакшыраак сезип жатам", - деп айтылат билдирүүдө.

Мушкер алдыңкы 6–8 апта калыбына келүү процессинде болорун, андан кийин машыгууларга кайрадан кайтууну пландап жатканын кошумчалады.

"Колдоо көрсөткөндөргө чоң ыраазычылык. Келерки жылы жаңы чакырыктарды чыдамсыздык менен күтөм!" - деп сөзүн жыйынтыктады Бивол.