"Сен дайыма атаңа болуш". Жапаров кичинекей Садыр аттуу бала менен маектешти (видео)

Садыр Жапаров эл менен жолугушуу учурунда өзүн "Садыр Жапаровмун" деп тааныштырган кичинекей бала менен маектешти.

5 жаштагы бала өлкө башчысына учурашып, "сиздей болоюнчу" деп айткан. Андан соң президент менен жолуккан эл баланын аты Садыр экенин, учурда бала 5 жашка толгонун айтышты.

Жапаров кичинекей баладан "атаң менен апаң урушабы?" деп сураган. Ал эми кичинекей бала ата-энеси уруша турганын, урушту биринчи апасы баштай турганын айткан. Өлкө башчысы: "Сен дайыма атаңа болуш. Азаматсың. Кыйын бала го", - деди.