Орусияда сода өндүргөн заводдо жарылуу болду (видео)

Орусияда Стерлитамактагы "Башкыр соода компаниясы" ишканасында жарылуу болду. Жергиликтүү Өзгөчө кырдаалдар министрлигинин айтымында, газ-аба аралашмасынын жарылышы катталды.

Орусиянын саламаттык сактоо министрлигинин жардамчысы Алексей Кузнецов 27 адам ооруканага жаткырылганын билдирди. Көп өтпөй Тергөө комитети 36 адам жабыркаганын маалымдады.

Көпчүлүгүндө өпкөнүн шишиги, көздүн химиялык күйүгү жана хлор менен уулануу белгилери бар. Жарылуу болгон жерде болжол менен 50 кызматкер болгон. Ички иштер министрлиги полиция аймакты курчоого алып, жолдорду тосуп койгонун маалымдады.

Азыркы учурда жарылуу болгон винилхлор өндүрүү цехиндеги таштандылар тазаланып бүттү, анда адамдар калган жок. Окуя маалында эпицентрде 50 кызматкер болгон.

Учурда 19 "Тез жардам" бригадасы иштеп жатат, санитардык авиация да тартылган.

Жарылуудан кийин Стерлитамакта абанын сапаты текшерилип жатат. Тургундарга терезелерин жабууну айтышууда.