Жакында мектепке каттала элек балдар үчүн 1-2-класстарга кошумча орундар ачылат 

Мектепте катталбаган бардык балдарды биринчи жана экинчи класстарга киргизүү мүмкүнчүлүгүн камсыз кылуу максатында мектепке электрондук каттоо системасында кошумча орундар ачылат. Бул тууралуу Агартуу министрлигинен билдиришти.

2025-2026-окуу жылына кошумча кабыл алуу 13-августта саат 09:00дө башталат жана 8-августта бир дагы мектепте катталбаган балдар үчүн гана жеткиликтүү болот.

Балдары мектепке катталган системанын колдонуучулары үчүн "жазууну жокко чыгаруу" функциясы жеткиликсиз болот.

Ата-энелер жана мыйзамдуу өкүлдөр баласынын туулгандыгы тууралуу күбөлүгү "Түндүк" тиркемесиндеги "Санариптик документтер" бөлүмүндө чагылдырылгандыгын алдын ала текшерип, баланы "мектепке электрондук каттоо" кызматы аркылуу "Түндүк", "Мбанк" жана МойО!+ Банк же 1mektep.edu.gov.kg. порталынан катташы керек.

Ал эми балдарды мектепке электрондук каттоонун экинчи этабы 15-августта аяктайт.

Кошумча орундар ачыла турган мектептердин тизмеси менен төмөнкү шилтемеден таанышсаңыздар болот: https://edu.gov.kg/posts/4376/