Түндүк Корея Түштүк Корея менен чектешкен аймактагы үн күчөткүчтөрдү алып салууну баштады

Түндүк Корея Түштүк Корея менен чек арадагы үн күчөткүчтөрдүн бир бөлүгүн алып салууну баштады. Бул тууралуу Yonhap агенттиги Бириккен штаб башчыларынын комитетине таянып жазды.

"Фронттон жакын райондордо Түндүк Кореянын аскерлери Түштүк Кореяга багытталган үн күчөткүчтөрдү тартып салуу иштерин жүргүзүп жатканы аныкталды", — деп айтылат билдирүүдө.

Бул Түштүк Корея Түндүк Кореяга каршы пропагандалык берүүлөрдү токтотуп, үн күчөткүчтөрүн алып салгандан кийин болду. Мындай чечимди Түштүк Кореянын президенти Ли Чжэ Мен Түндүк Корея менен мамилелерди жакшыртуу аракеттери менен байланыштырган.

31-июлда Түштүк Корея өз жарандарына түндүк кореялыктар менен чектөөсүз байланышууга уруксат берген, бирок ал үчүн алдын-ала кабар берүү талап кылынат. Азыркы учурда 1953-жылы Корея согушу аяктаганда кол коюлган туруктуу токтому гана иштеп жатат.

Эске салсак, буга чейин 4-августта Түштүк Кореянын аскерлери Түндүк Корея менен чек арада жайгашкан пропагандалык үгүт берүүчү колонкаларды алып салуу иштерин башташкан.