Жаран баланын колунан 2 миллион рублга жакын акчаны уурдай качты

Орусиянын Новосибирск шаарында белгисиз адам баланы бычак менен коркутуп, анын дээрлик 2 миллион рубль салынган сумкасын алып качып кетти. Бул тууралуу "112" Telegram каналы билдирди.

Татьяна Снежина көчөсүнөн белгисиз адам баланын артынан чуркап келип, бычак менен коркутуп, анын баштыгын ала баштаган. Бала кыйкырып, жардамга чакырган, бирок жанында эч ким болгон эмес. Кол салган шектүү баштыкты жулуп алып, качып кеткен.

Басылманын маалыматына караганда, ата-бала банкка ири сумманы алуу үчүн барышкан. Алар 1 миллион 700 миң рубль алган. Атасынын капысынан иши чыгып, баласына акчаны берип, үйүнө жөнөткөн. Шектүү банктын алдында баарын көрүп, баланын артынан түшкөн.

Ал кылмыш болгон жерден унаасы менен качкан, бирок көлчүккө тыгылып калган. Унаасын таштап, өзү качып кеткен. Шектүү кармала элек.