Сочиде Akon’дун концертинде күйөрман кыздар мушташты 

Орусиянын Сочи шаарында белгилүү реп ырчысы Akon’дун концертинде күйөрман кыздардын ортосунда мушташ чыкты.

Чет элдик басылмалар жазышкандай, кыздар америкалык ырчы элдин арасына ыргытып жиберген сүлгү үчүн мушташышкан.

Күбөлөрдүн айтымында, күйөрмандардын бири сүлгүнү биринчи кармап алган, бирок дагы экөө аны талаша баштаган. Кыздар жок дегенде бир кесим алуу үчүн сүлгүнү жыртып, тытканга аракет кылышкан. Мырзалар мушташка катышпоону туура көрүшкөн. Видеодо сүлгүнү бири алып кеткенин көрүүгө болот.