Кыргызстан айылындагы жаңы мектептин курулушу аяктады 

Ош облусунун Кара-Суу районуна караштуу Кыргызстан айылындагы №31 Курбанбаев атындагы мектептин курулушу аяктады. Бул тууралуу бүгун, 11-августта Курулуш министрлиги билдирди.

Имараттын жалпы аянты 2478 чарчы метрди түзөт. Билим ордосу заманбап талаптарга жооп берген эки кабаттуу окуу корпус жана спорт залынан турат. Негизги окуу класстарынан тышкары, лаборатория, компьютердик класс, конференц-зал, кыздар жана балдар үчүн эмгек класстары каралган.

Белгилей кетсек, эски мектептин биринчи имараты 1979-жылы малчылар үчүн турак жай болуп курулуп, кийин мектеп катары колдонулган. Ал эми 1985-жылы бала бакча багытында кошумча корпусу салынып, бирок окуучулар билим ала башташкан.