"Кимиңерди текшертейин?" Ташиев Нарында айыл өкмөттөргө эскертүү берди

Бүгүн, 11-августта УКМКнын төрагасы Камчыбек Ташиев Нарын шаарына болгон иш сапарында айыл өкмөттөрдүн башчыларына эскертүү берди.

"Коррупция жокпу? Кимиңерди текшертейин? Өткөндө бирөө "мени текшертиңиз" деп көкүрөгүн урду эле азыр түрмөдө отурат. Баарыңарга эскертип айтып кетейин, туугандарыбыз бар, анан ким эле ошол туугандарынын алдында уятка калайын десин? Ошондуктан таза иштегиле.

Эгер колуңар туткак болсо, дүнүйөгө кызыккан адам болсоңор, анда жумушту таштап коюп бизнес кылгыла. Элдин иши ушундай. Мына мен да элдин иши деп чуркап жүрөм. Таңга маал Нарынга учуп келдим, азыр Ошко учуп кетем. Андан ары Таласка, анан Жалал-Абадга барам. Ал үчүн мага эч ким эч нерсе төлөбөйт. Элдин иши деп жүрөм, силер да ошондой болушуңар керек. Анан айыл өкмөтү болсоңор эле жерди уурдаш же бир нерсе алып калуу деген болбошу керек",- деди Ташиев