Казакстандын Жезказган шаарында үрөй учурган окуя катталды

Казакстандын Жезказган шаарындагы батирлеринин биринен 59 жаштагы аял менен анын 17 жаштагы кызынын денелери зомбулуктун белгилери менен табылды.

Казак басылмалары билдиргендей, маркумдардын денелерин тууганы таап, милицияга кабар берди. Алар узак убакыт бою байланышка чыкпагандыктан үйүнө барып, үрөй учурган окуяга туш болду.

Аялдын денесинен моюн тарабында бир нече бычак сайылган жаракаттар табылды. Анын 17 жаштагы кызы, божомолдуу муунтулуп өлтүрүлгөн. Айрым ЖМКлар кыз Астанадагы эл аралык колледжде экинчи курста окугандыгын билдиришүүдө.

Эки кишинини өлүмү боюнча кылмыш иши козголду. Шектүү кармалды.

"Ал сурак учурунда күнөөсүн мойнуна алды. Азыркы учурда шектүү убактылуу кармоочу жайга киргизилди. Учурда окуянын бардык жагдайларын тактоо үчүн ыкчам-тергөө иштери жүрүп жатат",- деп билдирди Улытау облусунун полиция департаментинин башчысынын орун басары Алмаз Саламатов.