Москвада бала бакчада балдарды аарылар чаккан 

Москвада бала бакчалардын биринде беш баланы аарылар чаккан. Бул тууралуу РИА Новости жазды.

"Бала бакчада эртең менен сейилдөө учурунда беш баланы аары чаккан. Мугалимдер дароо чара көрүп, балдарды үйгө алып келишкен. Андан соң дароо "Тез жардам" чакырышкан. Келген дарыгерлер жеринде медициналык жардам көрсөтүшкөн. Ооруканага жаткыруу талап кылынган эмес",- деген бала бакчанын директору.

Ал белгилегендей, аарылар топтолгон жер жок кылынып, аймакка кошумча текшерүү иштери жүргүзүлгөн.