Бала бакча тарбиячысы эки жаштагы баланы тамак жебегени үчүн чаап салды (видео)

Орусиядагы бала бакчада тарбиячы ыйлап жаткан 2 жашар кызды бетке чаап салды. Бул тууралуу видео социалдык тармакта тарады.

Кичинекей кыздын катуу ыйлап, тамактан баш тартып жатканына аялдын жини келген. Түшкү тамак учурунда бала бакчанын кызматкери ыйлап жаткан кызга тамак жегенди көрсөтүп жаткан. Бирок кичинекей кыз токтобой ыйлаган. Ачууланган тарбиячы кызды сөгүп, андан соң аны бир нече жолу чаап жиберген, наристе ого бетер ыйлаган.

SHOT тактагандай, аял 63 жаштагы Ольга Сахарова. Ал 2009-жылы мектепке чейинки балдарды тарбиялоодогу олуттуу жетишкендиктери үчүн Орусия Билим берүү жана илим министрлигинин Ардак грамотасы менен сыйланган. Сахарова бала бакчадан буга чейин да бошотулган.

Бул факт боюнча “Жашы жете элек баланы тарбиялоо боюнча милдеттерди аткарбоо” беренеси боюнча кылмыш иши козголду.